و أنت تتسوّح كيف أغلبية الشعب التونسي إليّ هبط لشارع الحبيب بورقيبة اليوم تشوف كل شيء : جماعة الفن و الصحافة و أعضاء مجلس التأسيسي و المعارضة بودورو و العائلات الّي تبوزي و تتصوّر مع العلم.. في عيد الشغل شفت كل الطبقات و كل الأشكال تحتفل بعيد الشغل , إلا الشغالين أصحاب العيد و أصحاب الحق بالاحتفال.. ما ريتش لا عمّال البلدية ولا الباعة المتجولين و لا اليّ يخدمو في الاسواق يحتفلوا بعيدهم ....
الخلاصة الي وصلتها انّو في وطني كل القضايا يقوم بها " الآخرون" و ليس أصحابها
و لا أصحاب الحق ..فقضية الفقر يناقشها الأغنياء ، وقضية السكن يناقشها أصحاب القصور و قضايا المرأة يناقشها الرجال .. ثم نسأل ونستغرب لماذا هي كل قضايانا معقدة ؟؟؟؟؟
كنت نحلم أنشوف تكريم للعمال إلي طاح عليهم الداموس في الرديف ..و العسّاس اليّ مات وهو يعسّ على بانكة و عامل البلدية الي يخرج للخدمة الفجر ...لكن ما ريت كان الشعارات الي تمجد في الجبالي و تمدح في الغّنوشي ..اما العامل فهو آخر اهتمامات عيد العمال.
- عفيفة هاني
0 commentaires:
Enregistrer un commentaire